அமெரிக்காவில் வந்து இறங்கிய உடனேயே பிரச்னை கஸ்டம்ஸ் அதிகாரிகள் வடிவில் வருகிறது. சிகாகோவிற்கு அருகில் இருக்கும் முனாவின் சகோதரி குடும்பத்துடன் தங்குகிறார்கள். முதல் முதல் நாம் வெளியூரோ, வெளி நாட்டிற்கோ செல்லும் போது நமக்கு ஏற்படும் அனைத்து சங்கடங்களும் இவர்களுக்கும் ஏற்படுகிறது. அதுவும் Fadi க்கு பள்ளியில் ஏற்படும் தொந்தரவுகள் அதிகம். இதை எல்லாம் எதிர்கொண்டு எப்படி வாழ்க்கையைக் கொண்டு செல்கிறார்கள் என்பது தான் கதை. கதைப் படிப்பதற்கு மிக எளியதாக தோன்றினாலும் படத்தை தூக்கிப் பிடிக்கும் விஷயங்கள் - படத்தில் யாருமே கெட்டவர்கள் இல்லை, அதை விட பெரிய விஷயம், முனாவின் கேரக்டர் செதுக்கப் பட்டிருக்கும் விதம். மிக மிக பாசிடிவ் ஆக எல்லாப் பிரச்னைகளையும் சமாளிப்பதாகட்டும், வெகுளித்தனமாக அமெரிக்காவில் நடந்து கொள்வதாகட்டும் நம்மைக் கட்டிப் போடும் பாத்திரம்.
நம்ம ஊரு கதாநாயகிகளிடம் வெகுளித்தனமாகன்னு சொல்லிற கூடாது..எல்லாம் அரை லூசு மாதிரி பேசிகிட்டு (டிரஸ்சை மட்டும் கிழிக்கிறது கிடையாது? அதைத் தான் பாட்டுக் காட்சிகளில் கிழிச்சு விட்டுக்குராங்களே!!) திரியுமே..அது போல இல்லாம, வெகுளித்தனத்தையும் அடக்கி வாசிச்சிருக்கும் நடிப்பு. அமெரிக்காவிற்கு வரும் வெளிநாட்டர்வர்கள் எதிர்கொள்ளும் கலாசாரப் பாகுபாடுகள், அராபிய மக்கள் இங்கு எதிர்கொள்ளும் பிரச்சனைகள் போன்ற சீரியஸ் ஆன விஷயங்களை எல்லாம் மெல்லிய நகைச்சுவையோடு யாரையும் குற்றம் சாட்டாமல் எடுத்திருக்கும் விதம் தான் இந்தப் படத்திற்கு feel good factor! Netflix Instant View ல இப்ப இந்தப் படம் கிடைக்கிறது.
மதிப்பெண்கள்: 85/100
2 comments:
Good review. Have to watch....
நல்ல படம்.கொஞ்சமாய்,நிறைவாய் சொல்லியிருக்கிறீர்கள்.நன்றி.
Post a Comment